Yeni il menyusu
Qarşıdan yeni il gəlir və hər kəs yeni il süfrəsinin həm dadlı, həm də gözəl olmasını arzulayır. Ailə və dostlarla paylaşdığımız yeməklər, bayramın xoş anlarını daha da yadda qalan edir. Bu bloqda sizə münasib qiymətə yeni il süfrənizi bəzəyəcək təamlardan bəhs edəciyik.
Sobada ədviyyatlı toyuq və kartof
Ənənəvi yeni il yeməklərindən biri olan sobada toyuq və kartof, sadə hazırlanması və ləzzəti ilə yeni il süfrələrin ulduzudur.
Tərkibi üçün: 1 ədəd tam toyuq, 4-5 ədəd orta boy kartof, 2 x.q. bitki yağı, 1 ç.q. istiot, 1 ç.q. duz, 1 ç.q. qırmızı bibər, 1 ç.q. mayonez, sarımsaq (zövqə görə) və istəyinizdən asılı olaraq digər hazır ədviyyatlardan istifadə edə bilərsiniz.
Hazırlanması: Toyuq təmizləndikdən sonra bütöv və ya hissələrə ayrılmış formada qaba yerləşdirilir, üzərinə duz, istiot, digər ədviyyatlar və mayonez əlavə olunub qarışdırılır və kənarda saxlanılır. Kartoflar iri doğranır, duz səpilir və bitki yağı ilə qarışdırılır. Toyuq və kartof soba qabına düzülür, 180°C-də 50-60 dəqiqə bişirilir. Üzərinə sarımsaq əlavə edərək 10 dəqiqə daha sobada saxlanılır. Yeni il süfrəniz üçün ləziz yemək hazırdır.
Narlı bayram salatı
Yeni il süfrənizə həm dad, həm də rəng qatmaq üçün bu salat əla seçimdir.
Tərkibi üçün: 1 ədəd toyuq döş əti, 2 ədəd çuğundur, 3 ədəd kartof, 2 ədəd kök, 150 q. iri doğranmış qoz, duz, istiot (zövqə görə), 3 x.q. mayonez, bəzəmək üçün nar dənələri lazımdır.
Hazırlanması: tərəvəzlər və toyuq qaynadıldıqdan sonra bir qaba rəndələnir, üzərinə ədviyyatlar, qoz və mayonez əlavə edilib bir qabda qarışdırılır. Servis üçün qabda forma verdikdən sonra üzəri nar dənələri ilə bəzənir. Bir az soyuducuda saxlanıldıqdan sonra tam hazır formada yeni il süfrənizə qoya bilərsiniz.
Dekorotiv banan topları
Sadə tərkiblə hazırlanan bu desert yeni il süfrənizə bayram ruhu qatacaq.
Tərkibi üçün: 2 ədəd banan, 350 q. peçenye (istəyə uyğun), 1 x.q. qatılaşdırılmış süd, 1 ç.q. kakao tozu, alınan topların sayı qədər qoz və ya fındıq, desert üçün yeyilə bilən bəzək reseptdə istifadə olunur.
Hazırlanması: peçenyelər bir az isladılıb banan, qatılaşdırılmış süd, kakao tozu ilə birgə qaba əlavə olunur və əzilərək qarışdırılır, mərkəzinə fınıq və ya qoz yerləşdirilərək kiçik ölçüdə top formalarına salınır. Sonda isə zövqə uyğun bəzənib soyuducuda bir qədər saxlanır. Yeni il süfrəniz üçün dadlı və asan hazırlanmış desert hazırdır.
Yeni il üçün lazım olan bir çox keyfiyyətli və təzə məhsulları “Araz”dan əldə edin və sevdiklərinizlə birgə bayramın dadını çıxarın.
