Qış mövsümündə təbii və ev şəraitində hazırlanmış məhsullara üstünlük verənlər üçün yayda görülən hazırlıq işləri olduqca faydalıdır. Təzə meyvə və tərəvəzlərdən hazırlanan mürəbbə, kompot, turşu və souslar soyuq aylarda süfrəyə rəng qatır.
Evdə rahatlıqla hazırlaya biləcəyiniz dadlı və faydalı qışa tədarükü reseptlərini sizinlə bölüşürük.
Duzlu xiyar
Ərzaqlar: 1 kq xiyar, 2 xörək qaşığı duz, 2-3 diş sarımsaq, 1 dəstə şüyüd, 1 litr su
Hazırlanması:
1) Xiyarları yuyub bankaya yığın. 2) Sarımsaq və şüyüd əlavə edin. 3) Duzlu su hazırlayıb bankaya tökün. 4) Qapağını bağlayıb 7-10 gün sərin yerdə saxlayın.
Pomidor sosu
Ərzaqlar: 2 kq pomidor, 2 ədəd soğan, 1 ədəd sarımsaq, 200 ml bitki yağı, 2 çay qaşığı duz, 1 çay qaşığı şəkər, qara istiot, reyhan (zövqə görə)
Hazırlanması:
1) Pomidorları əvvəlcə qaynar suda saxlayıb qabığını soyun, sonra blenderdən keçirin. 2) Soğan və sarımsağı doğrayıb yağda qovurun. 3) Pomidoru əlavə edib 30-40 dəqiqə bişirin. 4) Ədviyyatları əlavə edib qarışdırın. 5) Sosu bankalara doldurub möhkəm bağlayın.
Zoğal mürəbbəsi
Ərzaqlar: 1 kq zoğal, 1 kq şəkər tozu, 1 stəkan su
Hazırlanması:
1) Zoğalı yaxşıca yuyun, təmizləyin. 2) Qazana 1 stəkan suyu tökün, üzərinə şəkər tozunu əlavə edin. Qarışdıraraq şəkər tam əriyənə qədər orta odda qaynadın. 3) Qaynadılmış şəkərli şərbətə zoğalı əlavə edin. Mürəbbəni orta odda 25-30 dəqiqə qaynadın, arada qarışdıraraq dibə yapışmasının qarşısını alın. 4) Mürəbbə qatılaşmağa başlayanda ocaqdan götürün. 5) İsti halda sterilizasiya olunmuş şüşə qablarına doldurun və qapağını sıx bağlayın. Qabları tərsinə çevirib otaq temperaturunda soyumasını təmin edin.
Qış tədarükü soyuq aylarda süfrəyə həm dad, həm də rəng qatır. Bütün bu məhsulları rahat şəkildə əldə etmək üçün “Araz” doğru ünvandır. Burada qışa hazırlıq üçün lazım olan bir çox məhsulları sərfəli qiymətlərlə əldə edə bilərsiniz.
