Asan və tez hazırlanan yeməklər

Yay fəslində qidalanma tərzimizdə sadəlik və rahatlıq ön plana keçir. İsti havalarda uzun müddət mətbəxdə vaxt keçirmək əvəzinə, tez hazırlanan və təravətli yeməklərə üstünlük verilir. Xüsusilə avqust ayında mövsüm tərəvəzlərinin bol olması bu işdə əhəmiyyətli üstünlük yaradır. İsti havalarda həm yüngül, həm də tez hazırlanan yeməklər axtarırsınız? Gəlin, birlikdə nəzər salaq:

Qatıq souslu kartof salatı

Ərzaqlar: kartof, qatıq, nanə, şüyüd, duz, istiot və zövqə görə digər ədviyyatlar

Hazırlanma:

1. Kartofları qabıqlı qaynadın, soyuyunca doğrayın.
2. Qatıq, doğranmış nanə və şüyüd əlavə edin.
3. Duz və istiotla qarışdırıb, soyuq servis edin.

Tərəvəzli toyuq salatı

Ərzaqlar: bişmiş toyuq filesi, təzə xiyar, pomidor, kahı, zeytun yağı, limon suyu və ya qatıq (zövqə görə)

Hazırlanma:

1. Toyuq filesini qızardıb doğrayın.
2. Xiyar, pomidor və kahını doğrayın.
3. Bütün ərzaqları bir qaba əlavə edin.
4. Zeytun yağı və limon suyu (və ya qatıq) əlavə edib qarışdırın. Duz və istiot səpərək servis edin.

Tərəvəzli yumurta

Ərzaqlar: badımcan, pomidor, yumurta, zeytun yağı, duz, istiot, cəfəri, şüyüd

Hazırlanma:

1. Tərəvəzləri dilimləyib zeytun yağında qovurun.
2. Yumurtaları istədiyiniz kimi bişirin.
3. Tərəvəzlərin üzərinə yumurtanı qoyun, göyərti səpin. İsti servis edin.

“Araz”ın zəngin məhsul seçimi sayəsində həm rahat alış-veriş, həm də dadlı yeməklər sizi gözləyir.