8 Noyabr – Zəfər Gününün 5-ci ildönümü münasibətilə “Zəfər xatirələri” adlı film hazırlanıb.
Filmdə “Araz” supermarketlər şəbəkəsinin Vətən müharibəsində iştirak etmiş əməkdaşları öz döyüş xatirələrini, yaşadıqları unudulmaz anları və Vətən uğrunda göstərdikləri fədakarlıqları bölüşüblər.
Layihə çərçivəsində filmin təqdimatı keçirilib.
Filmin təqdimat tədbirində Veysəloğlu Şirkətlər Qrupunun təsisçisi və Baş İcraçı direktoru Aydın Talıbov, “Araz” supermarketlər şəbəkəsinin İdarə Heyətinin sədri Rəşad İbrahimov, şirkətin rəhbər şəxsləri, şəhid ailələri, qazi əməkdaşlar və digər rəsmi qonaqlar iştirak ediblər.
Qeyd edək ki, “Zəfər xatirələri” sənədli filminin hazırlanmasında məqsəd Vətən müharibəsində iştirak etmiş əməkdaşların qəhrəmanlığını geniş ictimaiyyətə çatdırmaq, onların göstərdiyi cəsarət və vətənpərvərliyi gələcək nəsillərə ötürməkdir.
