Veysəloğlu Şirkətlər Qrupuna daxil olan “Araz” supermarketlər şəbəkəsi filiallarda nümunəvi əməkdaşların əməyini dəyərləndirmək, onların motivasiyasını artırmaq və komanda ruhunu gücləndirmək məqsədilə “Rol model” (“Nümunəvi işçi”) layihəsini həyata keçirir.
Layihə çərçivəsində “Ayın Ulduzlu Araz”ı seçilən filiallarda əməkdaşlar arasında yerində səsvermə keçirilir. Səsvermənin nəticələrinə əsasən peşəkarlığı, müştəriyönümlü xidməti və komandadakı müsbət rolu ilə seçilən qaliblər rəhbərlik tərəfindən hədiyyə və təşəkkürnamə ilə təltif edilir.
