“Araz” supermarketlər şəbəkəsi gənclərin məşğulluğunu təmin edən və əmək bazarına peşəkar kadrlar yetişdirən böyük işəgötürəndir. Pərakəndə ticarət sahəsində peşəkar kadrların formalaşdırılması məqsədilə “Araz” “Gələcəyin liderləri “Araz”da yetişir” layihəsini həyata keçirir.
Layihə çərçivəsində Mağaza İdarəetmə Akademiyası (MİA) proqramı çərçivəsində indiyədək 452 nəfər təlimlərə cəlb edilib. Proqram gələcəyin mağaza rəhbərlərini yetişdirmək məqsədilə nəzəri bilikləri və praktiki təcrübəni birləşdirən unikal tədris modelini özündə əks etdirir. Proqram iştirakçıları idarəetmə, liderlik və müştəriyönümlü xidmət sahələrində öz bacarıqlarını daha da inkişaf etdirmək imkanı qazanırlar.
