"Araz" supermarketlər şəbəkəsi "Yaşıl dünya naminə həmrəylik ili" çərçivəsində 5-15 yaş arası uşaqlar arasında ekoloji mövzuda rəsm müsabiqəsi keçirib. Məqsəd Azərbaycanın müxtəlif bölgələrindən olan uşaqaların diqqətini ekoloji mövzulara yönəltmək, onlar arasında təbiətə olan sevginin gücləndirilməsi və sosial məsuliyyətin təşviqi sahəsində mühüm nəticələr əldə etmək idi. Bakı ilə yanaşı, respublikanın müxtəlif bölgələrindən ümumilikdə 600-dən çox rəsm əsəri təqdim edilib. Sərgidə təqdim olunan rəsmlərin hər biri fərqli mesaj verən və uşaqların təbiətə qarşı müsbət yanaşmalarını əks etdirən əsərlərdən ibarət idi. Münsiflərin seçimi ilə 3 kateqoriya üzrə ümumilikdə 9 uşaq mükafatlandırıldı. Müsabiqəyə təqdim edilən əsərlər isə hazırda "Araz"ın baş ofisində yaradılan "Uşaqlar bizim gələcəyimizdir" guşəsində və eyni zamanda müxtəlif mağazalarımızda sərgilənir.
