Araz” supermarketlər şəbəkəsi tərəfindən əməkdaşların bilik və bacarıqlarının artırılması, davamlı öyrənmə mühitinin formalaşdırılması məqsədilə müxtəlif layihələr həyata keçirilir. Bu istiqamətdə reallaşdırılan “Bilik paylaşdıqca dəyərlidir” layihəsi beynəlxalq səfərlər və təcrübə mübadilələri zamanı qazanılan biliklərin şirkət daxilində paylaşılmasını ehtiva edir.
Layihə çərçivəsində xarici ölkələrdə keçirilən təlimlər, beynəlxalq konfranslar və digər tədbirlərdə iştirak edən əməkdaşlar əldə etdikləri təcrübəni həmkarları ilə bölüşürlər. Təqdimatlarda səfərin məqsədi, tanış olunan yeni biznes idarəetmə modelləri, müasir tendensiyalar, yaranan fürsətlər və “Araz”da tətbiq oluna biləcək imkanlar xüsusi vurğulanır.
Qeyd edək ki, “Araz” supermarketlər şəbəkəsi bu kimi təşəbbüslər sayəsində öz komandasının bilik və bacarıq səviyyəsini yüksəldərək müasir pərakəndə sektorunun tələblərinə uyğun daha çevik və yenilikçi yanaşmanı formalaşdırmağı hədəfləyir.
