“Araz” supermarketlər şəbəkəsi tərəfindən 15 sentyabr – Bilik Günü münasibətilə əməkdaşların övladlarına dəstək məqsədilə “Araz”ın birinciləri adlı layihə həyata keçirilir.
Layihənin əsas məqsədi əməkdaşların birinci sinfə qədəm qoyan övladlarını təbrik etmək, onların təhsil həyatına motivasiyalı başlamasına töhfə vermək və “Araz” komandasının dəstəyini vurğulamaqdır.
Tədbir çərçivəsində “Araz” supermarketlər şəbəkəsinin İdarə Heyətinin sədri Rəşad İbrahimov birincilərlə görüşərək onları təhsil həyatına başlamaları münasibətilə təbrik edir, uğurlar arzulayır. Görüş zamanı uşaqlara “Araz” adından məktəb ləvazimatları ilə dolu məktəbli çantası hədiyyə olunur.
