Azərbaycan şirniyyat sənayesinin aparıcı müəssisələrindən olan “Xonça” fabriki yeni və müasir avadanlıqları ilə müştərilərə yüksək keyfiyyətli xidmət göstərir. Fabrikin təzə, isti, ləzzətli şirniyyat və un məmulatları hər gün “Araz” rəflərində müştərilərə təqdim olunur.
Ümumilikdə “Xonça” müştərilərə 200-dən çox məhsul çeşidi təqdim edir. Bu məhsulların istehsal edildiyi “Xonça” fabriki Qafqazın böyük şirniyyat istehsal məntəqələrindən biridir. Fabrikdə müxtəlif növ ətirli çörəklər, bulkalar, tortlar və digər şirniyyat və un məmulatları istehsal olunur.
Fabrikdə Fransa, Almaniya, Avstriya, Rusiya və Ukraynada xüsusi təlim keçmiş texnoloqlar çalışır. Müəssisə müasir və yüksək texnologiyalı avadanlıqlarla, həmçinin İsveçrənin Rondo markasına məxsus istehsal xətti, Almaniya istehsalı olan cihazlarla təmin olunub.
“Xonça” məhsulları “Araz” və “Spar” mağazalarında alıcılara əlçatan olmaqla yanaşı, ölkənin böyük korporativ şirkətlərini, beşulduzlu hotellərini müxtəlif qənnadı məhsulları ilə də təmin edir. Məhsulların hazırlanması və saxlanılmasının standartlara uyğunluğu mütəmadi olaraq yoxlanılır. “Xonça” Fabriki bütün çörək, bulka və tort çeşidlərinin donmuş formada təminatı gücünə malikdir.
Fabrikdə 2019-cu ildən məhsulların donmuş formada istehsalı, saxlanılması və satışı həyata keçirilir. “Xonça” fabrikindən donmuş yarımfabrikat olaraq, təmin edilən məhsullar mağazada bişirilir və isti-isti müştərilərə təqdim olunur. Məhsulların hazırlanması və saxlanılması mövcud standartlara uyğun şəkildə təşkil edilir, proseslər mütəmadi olaraq yoxlanılır. “Xonça” Fabriki SGS Ltd tərəfindən ISO 22000:2018 Qida Təhlükəsizliyi İdarəetmə sistemi standartına uyğunluğu təsdiqlənərək Sertifikata layiq görülüb.
“Xonça” fabrikində əsas məqsəd istehsal prosesinin hər mərhələsində yüksək keyfiyyət və gigiyena standartlarını qorumaqdır. Bu məqsədlə müəssisədə istifadə olunan bütün xammal, inqrediyentlər və hazır məhsullar keyfiyyətə nəzarət departamenti tərəfindən mütəmadi olaraq yoxlanılır.
İstehsal prosesində qida təhlükəsizliyi sahəsində qüvvədə olan yerli qanunvericilik, milli və beynəlxalq standartlara tam uyğunluq təmin olunur. Hər bir məhsulun keyfiyyəti və təhlükəsizliyi mövcud tələblərə əsasən qiymətləndirilir. Müəssisədə İSO 22000 tələblərinə uyğun qida təhlükəsizliyi idarəetmə sistemi tətbiq edilir və proseslər həmin standartın tələblərinə uyğun idarə olunur. Məhsullların istehsalı zamanı mövcud milli qanunvericiliyin aidiyyati dövlət standartlarının və tətbiq edilən beynəlxalq qida təhülkəsizliyi standartlarının tələblərinə uyğun idarəetmə prosesi təmin olunur.
“Xonça” üçün istehlakçıların sağlamlığı və məmnuniyyəti əsas prioritetdir. Buna görə də fabrikdə təmizliyə, xammal seçiminə və istehsal mühitinin gigiyenasına xüsusi diqqət yetirilir.
