“Araz” supermarketlər şəbəkəsində satışa təqdim olunan ət məhsulları Azərbaycan Respublikasının müxtəlif regionlarından tədarük edilən sağlam heyvanlara məxsusdur.
Peşəkar qəssablar tərəfindən seçilən heyvanlar baytarlıq müayinəsindən keçirilir və diri heyvanların daşınması üçün verilmiş baytarlıq şəhadətnaməsi ilə birlikdə Azərbaycan Respublikasının Qida Təhlükəsizliyi Agentliyi tərəfindən qeydiyyata alınmış kəsim məntəqələrinə göndərilir.
Kəsim prosesi qüvvədə olan normativ tələblərə uyğun olaraq, gigiyenik şəraitdə və İslami qaydalar nəzərə alınmaqla, Azərbaycan Respublikasının Qida Təhlükəsizliyi Agentliyində uçota alınmış baytar mütəxəssislərinin nəzarəti ilə həyata keçirilir.
Ət məhsullarının keyfiyyət və təhlükəsizliyinə nəzarət məqsədilə müvafiq nümunələr götürülərək laborator analizlərə cəlb olunur. Yalnız tələblərə cavab verən məhsullar soyuducularda dinləndirildikdən sonra soyuq zəncir qorunmaqla satış nöqtələrinə çatdırılır.
Əsas məqsədimiz müştərilərimizə hər zaman yüksək keyfiyyətli, təhlükəsiz və etibarlı ət və ət məhsulları təqdim etməkdir.
Məhsulların baytarlıq sənədi ilə linkə keçid edərək tanış ola bilərsiniz:
Donmuş ətlər: https://b7x9kq.arazmarket.az/storage/SKV5UXGTVxxXq3y1Q5KMQNcE7xriBNtqrTeT0vbl.pdf
Təzə ətlər: https://b7x9kq.arazmarket.az/storage/KpXUiOwa4IHZrliwzwNNFsLawRQF5foNLNKn1z52.pdf
