
Əməkdaşımız, Aparıcı proqramçı Səməd Cabbarlı mağazalarda qiymət nəzarəti prosesinin rəqəmsallaşdırılmasına yönəlmiş “QR Qiymət Yoxla” tətbiqinin hazırlanmasına görə “Gümüş İş” mükafatına layiq görülmüşdür.
İT Direktorluğu tərəfindən hazırlanmış bu daxili həll mağaza əməkdaşlarına məhsulların QR kodlarını skan edərək rəf qiymətlərinin sistemdəki aktual satış qiymətləri ilə uyğunluğunu saniyələr ərzində yoxlamağa imkan verir. Aşkarlanan qiymət uyğunsuzluqları avtomatik olaraq SAP sisteminə ötürülür və yeni etiketlərin çapına qədər bütün proses vahid rəqəmsal axın üzərindən idarə olunur.
Tətbiqin istifadəyə verilməsi əl ilə məlumat toplama və ötürmə mərhələlərini aradan qaldırır, əməliyyatların sürətini artırır və insan səhvlərini minimuma endirir. Nəticədə mağazalarda qiymət nəzarəti daha operativ və effektiv həyata keçirilir, əməkdaşların iş yükü azalır, rəf və kassa qiymətləri arasındakı uyğunsuzluqların qarşısının alınmasına, eləcə də müştəri məmnuniyyətinin artırılmasına töhfə verilir.