
Əməkdaşımız, Vergi Uçotu üzrə aparıcı mühasib Günay Babayeva icarə, subicarə və loyal (korporativ) müştərilərin bonus kartla həyata keçirdiyi alışlar üzrə elektron qaimələrin hazırlanması prosesinin avtomatlaşdırılması təşəbbüsünə görə “Gümüş İş” mükafatına layiq görülmüşdür.
Onun təşəbbüsü ilə qeyd olunan əməliyyatlar üzrə elektron qaimələrin vergi sistemi üzərindən robot vasitəsilə toplu şəkildə hazırlanması təmin edilmişdir. Əvvəllər bir neçə gün vaxt tələb edən bu proses artıq bir iş günü ərzində tamamlanır.
Tətbiq olunan yenilik e-qaimələrin vaxtında və düzgün göndərilməsinə, üzləşmə prosesində yaranan uyğunsuzluqların və ödəniş gecikmələrinin qarşısının alınmasına şərait yaradır. Nəticədə biznes tərəfdaşları ilə əməkdaşlıq daha şəffaf və etibarlı şəkildə qurulur, əməliyyat riskləri azalır və şirkətə olan etimadın möhkəmlənməsinə töhfə verilir.