13 oktyabr – Ümumdünya Görmə Günü münasibətilə “Araz” supermarketlər şəbəkəsi əməkdaşlarının sağlamlığının qorunması istiqamətində daha bir önəmli addım atılıb. Bu istiqamətdə “Berlin Ailə və Uşaq Klinikası” ilə əməkdaşlıq çərçivəsində ofis və mağaza əməkdaşları üçün ödənişsiz göz müayinəsi təşkil olunub.
Tədbir zamanı klinikanın peşəkar həkim heyəti tərəfindən əməkdaşlar fərdi müayinələrdən keçirilib, həmçinin onlara profilaktik baxım barədə faydalı tövsiyələr verilib. Əməkdaşlara eyni zamanda klinika tərəfindən xüsusi endirim kartları təqdim edilib.
Qeyd edək ki, “Araz” supermarketlər şəbəkəsi 13 000-dən çox şəxsi işlə təmin edir və sosial məsuliyyət çərçivəsində bu kimi təşəbbüslərlə əməkdaşlarını dəstəkləməyə davam edir.
