Veysəloğlu Şirkətlər Qrupuna daxil olan “Araz” supermarketlər şəbəkəsi beynəlxalq təcrübənin şirkət daxilində paylaşılması, bilik mübadiləsinin gücləndirilməsi və əməkdaşların peşəkar inkişafının dəstəklənməsi məqsədilə həyata keçirdiyi “Bilik paylaşıldıqca dəyərlidir” layihəsini davam etdirir.
Təqdimat zamanı Təchizat şöbə müdiri Sinan Süleymanov səfərdə olduğu 138-ci Çin İdxalat və İxracat Sərgisi çərçivəsində əldə etdiyi təcrübələri əməkdaşlarla bölüşüb. Eyni zamanda, təchizat və logistika sahəsində qlobal və regional trendlər, müasir təchizat zəncirinin idarə olunması, optimallaşdırma həlləri və effektiv tərəfdaşlıq strategiyaları müzakirə edilib. Həmçinin beynəlxalq təcrübənin yerli bazarda tətbiqi imkanlarına toxunulub.
Layihə əməkdaşların bilik və bacarıqlarının artırılmasına, şirkət daxilində davamlı öyrənmə və inkişaf mühitinin gücləndirilməsinə töhfə verir.
