“Yurdumuzun doğma marketini çək!” adlı foto müsabiqəsinin qalibləri müəyyənləşib və onlara hədiyyələr təqdim olunub.
19 avqust – Dünya Fotoqrafiya Günü və “Araz” supermarketlər şəbəkəsinin 15 illik yubileyi münasibətilə təşkil olunan müsabiqənin məqsədi iştirakçıların fərqli baxış bucağından “Araz” mağazalarını əks etdirən yaradıcı fotolarını üzə çıxarmaq olub.
Müsabiqədə həm “Araz”ın müştəriləri, həm də əməkdaşları iştirak ediblər. İştirakçılar “Araz” mağazalarında və ya ofisində çəkdikləri, fotoda şirkətin loqosunun və ya loqolu hər hansı əşyanın əks olunduğu kadrları sosial şəbəkələrdə paylaşıblar.
19–31 avqust tarixlərində keçirilən müsabiqəyə maraq böyük olub. İştirakçılar öz yaradıcı fotoları ilə “Araz”ı fərqli baxış bucağından təqdim edərək müsabiqəyə rəngarənglik qatıblar.
Müsabiqənin nəticələrinə əsasən, təsadüfi seçim yolu ilə 15 qalib müəyyən edilib. Qaliblər Fujifilm Instax Mini fotoaparatlar, Blue Bundle Box, qulaqlıq, smart saat, Stanley termos, HUAWEI MatePad, fen, blender, mikser, elektron tərəzi və 100 AZN dəyərində “Araz” müştəri kartları da daxil olmaqla müxtəlif hədiyyələrlə mükafatlandırılıblar.
“Araz” supermarketlər şəbəkəsi müsabiqədə iştirak edən, fotolarını paylaşaraq bu təşəbbüsə dəstək olan hər kəsə təşəkkürünü bildirir, qalibləri bir daha təbrik edir!
“Yurdumuzun doğma marketini çək!” foto müsabiqəsi “Araz”ın 15 illik yubileyini müştəriləri və əməkdaşları ilə birlikdə qeyd etmək, onların yaradıcı baxışlarını nümayiş etdirmək baxımından əlamətdar təşəbbüslərdən biri olub.
