Dəyərli izləyicilərimiz, “Araz” supermarketlər şəbəkəsi “Sizinlə birlikdə” sosial layihəsi çərçivəsində növbəti dəfə şəhid övladları ilə görüş təşkil edib.
Layihə çərçivəsində uşaqlar Azərbaycan Dövlət Gənc Tamaşaçılar Teatrında nümayiş olunan “Sindbad” tamaşasına baxıblar. Tədbir Əmək və Əhalinin Sosial Müdafiəsi Nazirliyinin tabeliyində olan Dövlət Məşğulluq Agentliyi ilə birgə təşkil olunub. Sosial-maarifləndirici formatda keçirilən görüş zamanı uşaqlar sevincli və əyləncəli vaxt keçiriblər. Həmçinin onlara “Xonça” şirniyyatları da hədiyyə olunub.
“Sizinlə birlikdə” layihəsinin məqsədi uşaqların asudə vaxtının səmərəli, maraqlı və faydalı şəkildə təşkili, onların sosial inteqrasiyasına və mənəvi inkişafına dəstək verməkdir.
