“Araz” supermarketlər şəbəkəsi müştəri təcrübəsini daha da təkmilləşdirmək məqsədilə “Araz” mobil tətbiqində növbəti yeniliyi edib. Tətbiqə əlavə olunan “Qiyməti öyrən” funksiyası vasitəsilə istifadəçilər artıq olduqları filialda istədikləri məhsulun barkodunu skan edərək onun qiymətini dərhal öyrənə bilərlər.
Yeni funksiya alış-veriş prosesini daha sürətli və rahat etməklə yanaşı, müştərilərə seçimlərini daha planlı şəkildə həyata keçirməyə imkan yaradır. Bundan əlavə, qiyməti öyrənilən məhsullar əsasında fərdi alış-veriş siyahısı tərtib etmək funksiyası da təqdim olunur.
“Araz” mobil tətbiqində həyata keçirilən bu yenilik müştərilərin vaxtına qənaət etməyi və alış-veriş təcrübəsini daha funksionallaşdırmağı hədəfləyir.
