“Araz” supermarketlər şəbəkəsi tərəfindən “Araz Fərqindəlik Yaradır” şüarı altında təşkil olunan “Xərçənglə Mübarizə Həftəsi” çərçivəsində növbəti maarifləndirici tədbir “Araz” Logistika Mərkəzində baş tutub. Tədbir zamanı əməkdaşlar üçün təşkil edilən seminarda həkim-onkoloq, klinik psixoloq və digər mütəxəssislər xərçəng xəstəliklərinin profilaktikası, erkən aşkarlanmanın əhəmiyyəti, düzgün həyat tərzi və psixoloji dəstəyin rolu barədə ətraflı məlumat veriblər. Seminarın sonunda iştirakçıları maraqlandıran suallar cavablandırılıb, mövzu ətrafında fikir mübadiləsi aparılıb. Qeyd edək ki, “Xərçənglə Mübarizə Həftəsi”nin keçirilməsində əsas məqsəd əməkdaşlar arasında xəstəliklə bağlı məlumatlılığı artırmaq, profilaktik müayinələrin əhəmiyyətini vurğulamaq və erkən diaqnostikanın roluna diqqət çəkməkdir.
