“Araz” mobil tətbiqindəki “Tap Qazan” oyununda məqsəd eyni şəkilli kart cütlüklərini taparaq mümkün qədər çox xal toplamaqdır.
Oyun sahəsində kartlar yerləşir və onlara toxunduqda onlar çevrilir, üzərindəki şəkil görünür.
Eyni anda maksimum 2 kart açmaq mümkündür.
Açılan kartlar eyni olarsa, kartlar açıq vəziyyətdə saxlanılır, fərqli olarsa yenidən bağlanır.
Hər oyun üçün 60 saniyə vaxt verilir, geri sayım oyun başlayanda başlayır və vaxt bitdikdə oyun avtomatik sona çatır.
Tapılan hər doğru kart cütlüyü üçün 15 xal verilir.
Əgər oyunçu vaxt bitməmiş oyundan çıxarsa, həmin ana qədər tapdığı kart cütlüklərinə uyğun xallar cari xalların üzərinə əlavə olunur.
Bütün kartlar tapılmadan oyundan çıxdıqda qalan vaxt əlavə xal kimi nəzərə alınmır.
Bütün kartlar tapıldıqdan sonra oyun bitdikdə qalan vaxt əlavə xal kimi nəzərə alınır.
Tiraj müddətində oynadığınız bütün oyunların xalları toplanır. Toplana biləcək maksimum xal limiti yoxdur.
Tiraj 1 həftə davam edir. Tirajın sonunda xallar sıfırlanır.
Tiraj ərzində ən çox xal toplayan ilk 250 oyunçunun “Araz” mobil tətbiqinə tutduğu yerə görə bonus yüklənəcək. Mükafat bölgüsü aşağıdakı kimidir:
1–5-ci yerlər — 20 AZN
6–15-ci yerlər — 10 AZN
16–30-cu yerlər — 5 AZN
31–100-cü yerlər — 3 AZN
101–250-ci yerlər — 1 AZN
