Havaların soyuması ilə bədənimiz infeksiyalara qarşı daha həssas olur. Bu dövrdə immuniteti gücləndirmək sağlam qalmağın ən vacib yollarından biridir. Təbii qarışımlar və ev şəraitində hazırlanan sadə resptlər orqanizmin müdafiə qabiliyyətini artırır, eyni zamanda gündəlik həyatınıza enerji və canlılıq gətirir. Aşağıda immuniteti dəstəkləyən praktik və dadlı qarışımlar təqdim edirik:
Bal, limon və su qarışımı
Tərkibi: 1 stəkan ilıq su, 1 çay qaşığı bal, təzə sıxılmış yarım limon suyu
Bal və limon suyunu ilıq suya əlavə edib qarışdırın. Səhər yeməkdən öncə içmək daha faydalıdır.
Limon C vitamini ilə immuniteti gücləndirir, bal isə antibakterial xüsusiyyət daşıyır. Bu qarışıq boğazı sakitləşdirir və bədənin infeksiyalarına qarşı qoruyucu rolu olur.
Quru meyvə qarışımı
Tərkibi: 100 qram qoz, 100 qram qara kişmiş, 100 qram ərik qurusu, 2 xörək qaşığı bal ( istəyə görə bir neçə digər quru meyvələr də əlavə etmək olar)
Bütün tərkibləri bir qabda blenderdə xırdalayın, üzərinə bal əlavə edib yaxşıca qarışdırın və immuniteti gücləndirən qarışımınız hazırdır. Qarışımı soyuducuda 1 ay müddətində saxlamaq məsləhətdir. Hər səhər ac qarına 1 qaşıq yemək enerji verir, tərkib hüceyrələri qoruyan antioksidantlarla zəngindir və immuniteti gücləndirməkdə dəstək olur.
Təbii və dadlı bu qarışımlar gündəlik qida rasionunu zənginləşdirir, bədənə təbii enerji verir və sağlam həyat tərzini dəstəkləyir. Tərkiblərdə istifadə olunan məhsulları rahatlıqla “Araz”dan əldə edə bilər və gündəlik vərdişlərinizə əlavə edərək özünüzə qayğı göstərə bilərsiniz.
