“Araz” qadın əməkdaşların bilik və bacarıqlarının artırılması, onların peşəkarlıq göstəricilərinin yüksəldilməsi və motivasiyası istiqamətində “Qadının gücü” video-layihəsini həyata keçirir. Layihənin başlıca məqsəd qadınlara stimul və motivasiya verməkdir. Video-layihədə “Araz”da uğurlu karyera yolu keçən rəhbər və mütəxəssis xanımlar öz uğur hekayələrini bölüşürlər.
“Qadının gücü” layihəsi çərçivəsində həmçinin “Araz”da karyera yüksəlişinə nail olan, yüksək vəzifələrdə çalışan peşəkar qadın rəhbərlərlə şirkətdə işə yeni başlayan gənc xanım əməkdaşların görüşü təşkil edilir. Master-klas formatında təşkil edilən görüşün məqsədi karyera yolunda addımlarını yeni atan xanımlara motivasiya vermək, onlarda liderlik bacarıqlarını formalaşdırmaqdır. “Araz”da uğurlu karyera yolu keçən xanımlar layihə iştirakçıları ilə uğur qazanmağın yollarını, karyera təcrübələrini bölüşür və öz tövsiyələrini verirlər.
