Ev heyvanları insan həyatında xüsusi yer tutan, sədaqətli dostlardır. Onların sağlamlığı və rifahı sahiblərinin göstərdiyi qayğı və diqqətdən birbaşa asılıdır. Ev heyvanlarının uzun və xoşbəxt ömür sürməsi üçün düzgün qayğı çox önəmlidir.
Ən vacib məsələlərdən biri heyvanların düzgün və balanslı qidalanmasıdır. Ev heyvanının növü, yaşı və sağlamlıq vəziyyəti nəzərə alınaraq seçilən qida onun immun sistemini gücləndirir və enerjisini artırır. Keyfiyyətsiz və ya uyğun olmayan qidalar heyvanın sağlamlıq problemləri ilə üzləşməsinə səbəb ola bilər.
Qidalanma ilə yanaşı, gigiyena qaydalarına riayət etmək də önəmlidir. Heyvanların müntəzəm təmizliyi, onların rahatlığını təmin edir və infeksiyaların qarşısını alır. Bura tüklərin daranması, bədən və qulaq təmizliyi, dırnaqların kəsilməsi daxildir. Gigiyenik baxımdan diqqətli olmaq, həmçinin, evdə sağlam mühitin qorunmasına kömək edir.
Müntəzəm baytar nəzarəti və peyvəndlərin vaxtında edilməsi də heyvan sağlamlığının əsas şərtlərindəndir. Profilaktik tədbirlər yoluxucu xəstəliklərin qarşısını almağa xidmət edir. Xüsusilə bala heyvanların peyvənd olunmasına ciddi diqqət yetirilməlidir ki, onlar xəstəliklərdən qorunmuş olsunlar.
“Araz”ın “Zooshop” mağazasında ev heyvanları üçün Avropa, Türkiyə, Rusiya, Ukrayna və digər ölkələrin istehsalı olan, beynəlxalq standartlara cavab verən 1000-dən çox çeşiddə məhsul təqdim olunur. Bura qida, gigiyenik vasitələr, vitaminlər, qida əlavələri, aksesuarlar və digər məhsullar aiddir. Mağazada həmçinin veterinar məsləhətləri də təqdim olunur. Bu xidmət müştərilərə ev heyvanlarının sağlamlığı və düzgün qidalanması ilə bağlı mütəxəssis dəstəyi almağa imkan yaradır. "ZooShop"da ev heyvanlarınız üçün sevgi dolu seçimlər sizi gözləyir.
Ev heyvanlarının psixoloji sağlamlığı da xüsusi önəm daşıyır. Rahat və təhlükəsiz yaşayış şəraiti təmin edilməli, onların sərbəst hərəkət və oyuna imkanı yaradılmalıdır. Oyuncaqlar və müntəzəm gəzintilər onların aktivliyini artırır, stressi azaldır və ümumi sağlamlığa müsbət təsir göstərir.
Hər ev heyvanı özünəməxsus qayğı tələb edir. Məsələn, pişiklər daha müstəqil ola bilsə də, onlara da diqqət və sevgi lazımdır. İtlər isə daha çox hərəkətə və sosial əlaqəyə ehtiyac duyurlar. Bu fərqliliklər nəzərə alınmalı və hər heyvanın xüsusiyyətlərinə uyğun qulluq göstərilməlidir.
Sahiblərin qayğısı və sevgisi heyvanlarla aralarındakı münasibəti daha da möhkəmləndirir. Bu əlaqə həm insanın, həm də heyvanın rifahına müsbət təsir göstərir. Məsuliyyətli davranış heyvanların sağlam və xoşbəxt yaşaması üçün vacib şərtdir.
Heyvanlara göstərilən qayğı cəmiyyətin ümumi mədəniyyət və mərhəmət səviyyəsini əks etdirir. Balaca dostlarımız diqqətə və şəfqətə layiqdir.
