Bakıda daha bir Araz Market açıldı

Bakıda “Araz Supermarketlər şəbəkəsi”nin yeni mağazası açılıb. Şəbəkənin marketinq departamentinin rəhbəri Anar Putayev fins.az-a bildirib ki, yeni mağaza “Xətai” metrosunun yaxınlığında fəaliyyət göstərir. Bununla da “Araz Supermarketlər şəbkəsi”ndə mağazaların sayı 40-a çatıb.

A.Putayev bildirib ki, bu mağazada satılacaq mallar yerləşdiyi əraziyə uyğun olaraq seçilib: “Belə ki, yeni mağaza yaşayış binalarının arasında yerləşir. Məsələn Saray, Sumqayıt və digər yol üzərində yerləşən mağazalarda həm də bağ ləvazimatları satılır. Amma burada isə qida məhsulları ilə yanaşı, kosmetik məhsullar, ev avadanlıqları, mətbəx ləzavimatları da satılacaq”.

Mağazada təzə meyvə-tərəvəz də almaq mümkün olacaq. A.Putayevin sözlərinə görə, ümumilikdə burada 9000 minə yaxın çeşiddə məhsul satılacaq. Mağazanın digər bir üstünlüyü məhsul üzrə çeşidlərin çox olması ilə bağlıdır. A.Putayev bildirib ki, “Xətai” mağazası ilə yanaşı, il ərzində daha 5 “Araz” supermaketinin açılması planlaşdırılır.