"Araz" supermarketlər şəbəkəsi mağazalarında satılan ətin keyfiyyətinə tam təminat verir

Keyfiyyət və təhlükəsizliyə təminat

Veysəloğlu Şirkətlər Qrupuna (VŞQ) daxil olan “Araz” supermarketlər şəbəkəsi istehlakçıları yüksək keyfiyyətli qida və qeyri-qida məhsulları ilə təmin edir. Şirkətə məxsus mağazalarda müxtəlif çeşiddə təravətli meyvə-tərəvəz, həmçinin təzə ət müştərilərə təqdim olunur. İstehlakçılar “Araz”da satılan ətlərin keyfiyyətindən tam arxayın ola bilərlər.

“Araz” supermarketlər şəbəkəsinin filiallarında satılan ətlər əsasən Ağcabədi, Beyləqan, Bərdə və İmişli rayonlarından gətirilir. Baytar nəzarətindən keçən, tam sağlam və heç bir qüsuru olmayan heyvanlar xüsusi kəsim məntəqələrində gigiyenik şəraitdə, qida təhlükəsizliyi tələblərinə əməl edilməklə kəsilir. Kəsim Azərbaycan Respublikasının Qida Təhlükəsizliyi Agentliyinin (AQTA) əməkdaşlarının iştirakı ilə aparılır. Burada qida təhlükəsizliyi tələbləri ilə yanaşı islami qaydalara tam əməl olunur.  Kəsilmiş ətlərdən nümunələr götürülür, ətin keyfiyyəti və təhlükəsizliyi laboratoriyada yoxlanılır. Yalnız keyfiyyət və təhlükəsizlik göstəriciləri uyğun olan ətlərin “Araz”da satışı həyata keçirilir.

Soyuq zəncir qırılmadan daşınma

Ət soyuducularda dinləndirildikdən sonra “Araz”a məxsus anbarlara göndərilir. Ətlərin daşınması prosesi də tamamilə beynəlxalq standartlara və qida təhlükəsizliyi tələblərinə uyğun aparılır. Belə ki, daşınma zamanı xüsusi soyuducu sistemi ilə təchiz olunmuş nəqliyyat vasitələrindən istifadə edilir. Temperatur rejimini qoruyan, güclü izolyasiyalı nəqliyyat vasitələri qida məhsullarının təzəliyi və keyfiyyəti qorunaraq, soyuq zəncir qırılmadan daşınmasına imkan verir.

“Araz”da ət çeşidlərinin sayı 45-ə çatdırılıb

Qeyd edək ki, ötən il mağazalarda ət çeşidlərinin sayı 45-ə çatdırılıb. İstehlakçılar ətin təhlükəsizliyi və keyfiyyətindən əmin olmaq üçün ət satışı həyata keçirilən bütün “Araz” filiallarında AQTA tərəfindən təqdim olunan sertifikatlarla tanış ola bilərlər.