UNEC tələbələri “Araz” Logistika Mərkəzini ziyarət ediblər

“Araz” supermarketlər şəbəkəsinin “Araz”da tələbə günü” layihəsi davam edir. Bu dəfə layihə çərçivəsində Azərbaycan Dövlət İqtisad Universitetinin (UNEC) “Biznes və menecment” fakültəsinin “Beynəlxalq ticarət və logistika” ixtisası üzrə təhsil alan tələbələri “Araz” Logistika Mərkəzində infosessiyada iştirak ediblər. Tələbələr mərkəzin ərazisi, anbarlar, qida və qeyri-qida saxlanma yerləri, əməkdaşlar üçün yaradılan şəraitlə tanış olublar, müvafiq bölmələri ziyarət ediblər, onlara iş prosesi haqqında ətraflı məlumatlar verilib.

İnfosessiyanın keçirilməsində məqsəd “Araz” supermarketlər şəbəkəsi, həmçinin şəbəkəyə məxsus olan mərkəzlər, müəssisələrlə əyani tanışlıq, şirkət əməkdaşlarının karyera inkişafı, onların məhsuldar işləməsi üçün yaradılan şəraitlə tanışlıq, həmçinin tələbələrin real iş mühitinə adaptasiyasına dəstək olmaqdır. Tədbir UNEC-in Keyera Mərkəzinin dəstəyilə baş tutub. İnfosessiyanın sonunda tələbələrin sulları cavablandırılıb, onlarla fikir mübadiləsi aparılıb.

Qeyd edək ki, ölkənin ən böyük pərakəndə ticarət şirkətlərindən biri olan “Araz” supermarketlər şəbəkəsi həm gənclərin, həm də peşəkar mütəxəssislərin fəaliyyət göstərdiyi iş yeridir. Şirkət 400-dən çox mağaza və 11 mindən çox əməkdaşı ilə ölkə əhalisinin işlə təmin olunmasına öz töhfəsini verir.