“Tullantıları hədiyyələrə dəyiş” festivalı keçirilib

Ekologiya və Təbii Sərvətlər Nazirliyinin təşkilatçılığı, Xətai Rayon İcra Hakimiyyəti və “Araz” supermarketlər şəbəkəsinin dəstəyi ilə “Gənclik” parkında “Tullantıları hədiyyələrə dəyiş” festivalı keçirilib.

Tədbirin əsas məqsədi ictimaiyyətin ekoloji məsələlər barədə məlumatlılığını artırmaq, təkrar emal vərdişlərini təşviq etmək və ətraf mühitin qorunmasına birgə töhfə verməkdir.

Festival çərçivəsində vətəndaşlar:
▪️ 3481 litr plastik butulka
▪️ 1040 litr şüşə butulka
▪️ 831 ədəd istifadə olunmuş batareya təqdim edərək müxtəlif hədiyyələr əldə ediblər.

Həmçinin, iştirakçılar üçün tullantıların düzgün çeşidlənməsi və təkrar emal prosesi ilə bağlı maarifləndirici master-klaslar təşkil olunub.
“Araz” olaraq ətraf mühitin mühafizəsinə yönəlmiş layihələrdə dəstəyimizi hər zaman davam edəcəyik.