“Dünyanı yaşıla boya” adlı rəsm müsabiqəsinə start verdik.

 “Dünyanı yaşıla boya” adlı rəsm müsabiqəsinə start verdik.

Müsabiqədə Bakı şəhəri ilə yanaşı respublikanın bütün bölgələrindən 5-15 yaş arası uşaqların iştirakı nəzərdə tutulur. Qaliblər 3 kateqoriya üzrə olmaqla, 5-8, 9-12, 13-15 yaşlı uşaqlar arasından seçiləcək. Müsabiqə iştirakçıları təqdim etdikləri rəsm nümunələrində “Təbiəti birlikdə qoruyaq” mövzusunu öz baxış bucağından, şəxsi təxəyyülünə uyğun şəkildə ifadə etməlidirlər.

Münsiflər heyəti tərəfindən seçilən rəsm nümunələri 1 iyun – Uşaqların Beynəlxalq Müdafiəsi Günü sərgilənəcək. Müsabiqənin qalib və iştirakçılarına şirkətimiz tərəfindən dəyərli hədiyyələr, həvəsləndirici mükafat və sertifikatlar təqdim olunacaq.

Rəsmlər quaş, akril, akvarel rəngli boyalardan istifadə olunmaqla A3 ölçüdə kətan və ya kağız üzərində çəkilməli, sağ alt hissədə rəsmi çəkən şəxsin adı, soyadı, doğum tarixi (gün, ay, il) və əlaqə nömrəsi qeyd edilməlidir. Müsabiqədə iştirak etmək istəyənlər may ayının 18-dək rəsmləri Bakı, Sumqayıt şəhəri üzrə bütün “Araz” Superstore-lara və bölgələrdəki “Araz” mağazalarına təqdim edə bilərlər.

#arazsupermarket