“Araz”da Polşa şirkət nümayəndələri ilə görüş keçirilib

“Araz” supermarketlər şəbəkəsində Polşanın tanınmış şirkətlərinin nümayəndələri ilə görüş keçirilib. Polşa səfirliyinin dəstəyi ilə baş tutan görüşdə Veyseloğlu Şirkətlər Qrupu, “Araz” supermarketlər şəbəkəsi və “Oba” marketlər şəbəkəsinin nümayəndələri iştirak edib.

Polşanı təmsil edən “Quadrum Foods”, “Bio Planet”, “House of Brands”, “Bebsi”, “Brzesc Sipa” və “Kupiec” firmalarının nümayəndələri şirkətləri haqqında, həmçinin istehsal və satış mexanizmləri barədə məlumat veriblər.

Qeyd edək ki, sözügedən şirkətlər dondurulmuş meyvə-tərəvəz, şirə konsentratları, pürelər, bio məhsullar, şokoladlar, içkilər, peçenyelər, eklerlər, kekslər, qəhvə, çaylar və s. qida məhsulları istehsal edirlər. Görüşdə məhsul alışı, tanıtımı mövzusunda müzakirələr aparılıb, birgə əməkdaşlıq imkanları nəzərdən keçirilib.