Milli mətbəxin şahı: Şah plov

Ölkəmizin milli mətbəxi olduqca doyumlu qidalarla zəngindir. Ət və ət məhsulları qida rasionumuzun əvəzedilməzidir. Təsadüfi deyil ki, milli mətbəximizin böyük qismində inqrediyentlər arasında hər zaman ət və ət məhsullarını görürük. Ətli yeməklərin siyahısına piti, bozbaş, qutab, əriştə, şah plov, xəngəl, küftə və s. kimi yeməkləri nümunə göstərmək olar. Bu bloqda evdə dadlı və sərfəli şah plovu necə hazırlamaq olar ondan bəhs edəcəyik. Ümumiyyətlə, yemək bişirərkən istifadə etdiyimiz inqrediyentlərin keyfiyyətinə, təzəliyinə diqqət etdiyimiz qədər münasib qiymətinə də fikir veririk. Şah plov üçün lazım olan bütün inqrediyentləri endirimli qiymətə “Araz”ın kataloqunda tapa bilərsiniz.

Şah plov hazırlamaq üçün bizə lazım olan ərzaqlar:

• 4 stəkan “Tac” düyüsü
• 1 kq sümüksüz “Araz” əti
• 500 q təmizlənmiş şabalıd
• 3 ədəd soğan
• 4 xörək qaşığı əridilmiş “Tac” kərə yağı
• 1 stəkan kişmiş
• 10 ədəd ərik qurusu
• 10 ədəd alça turşusu
• Sarıkök və ya zəfəran (zövqə görə)
• “Tac” duz, istiot

Qazmaq üçün:

• 2 stəkan “Soba” unu
• 50 q “Tac” kərə yağı
• 2 ədəd “Tac” yumurta
• 1 xörək qaşığı “Tac” xama
• “Tac” duz

Hazırlanma qaydası:

İlk olaraq, təmizlənmiş şabalıdların üzərinə duz əlavə edərək tavada qovururuq. Daha sonra doğranmış soğanları qızılı rəngdə olana qədər yağda bişiririk. Əvvəlcədən suda bişmiş əti tavada qovururuq. Ətin üzərinə duz, istiot əlavə edirik. Qovrulmuş soğanı ətin üzərinə əlavə edib qarışdırırıq. Kişmiş, ərik qurusu və turşunu tavaya yağ əlavə edib bişiririk. Qazmağı hazırlayırıq. Un ilə yağı ovuruq və öüzərinə yumurta, xama və duz əlavə edib qarışdırırıq. Daha sonra xəmiri yoğururuq. Xəmir yumşaq olmağı əsas məqamlardandır. Xəmiri bir balaca və bir böyük hissəyə bölürük. Böyük kündəni yuxa kimi yayırıq. Qalınlığı yuxadan bir az çox olmalıdır. Yayılmış yuxanı yağlanmış qazanın içinə yerləşdiririk. Başqa bir qazanda düyünü bişiririk. Düyü tam bişməmiş onu süzürük və üzərinə sarıkök və ya dəmlənmiş zəfəran əlavə edirik. Xəmir olan qazana bişmiş düyüdən bir az töküb, üzərinə şabalıdı əlavə edirik. Yenə düyü əlavə edib əti tökürük və qovurduğumuz turşuları aralarına yerləşdiririk. Yenidən düyü və üzərinə kişmişlə ərik qurusunu əlavə edirik. Kişmişin üzərinə yenidən düyü əlavə edib, yağlayırıq. Kiçik ölçüdə olan yuxanı yayıb düyünün üzərinə sərib, yanlarını bərkidirik. 180-200 dərəcədə əvvəlcədən qızdırılmış sobaya dəm almağa qoyuruq. Süfrəyə verilən şah plov üst hissədən kəsilir və qaşıqla götürülür.

Hazırlanması bir qədər çətin olan bu əsrarəngiz yeməyin ləzzəti isə şahlara layiqdir. Hər birinizə nuş olsun!