Rashad Mirzeyev

Rəşad Mirzəyev 2012-ci ildə Azərbaycan Respublikasının Prezidenti yanında Dövlət İdarəçilik Akademiyasının (ARPDIA) Siyasi İdarəetmə Fakültəsinin “Beynəlxalq münasibətlər” ixtisasını fərqlənmə ilə bitirmişdir. Hərbi xidmətdən sonra ARPDIA-da “Diplomatiya” sahəsində magistr təhsilinə davam etmiş və 2015-ci ildə magistr təhsilini fərqlənmə ilə bitirmişdir.

Peşəkar iş fəaliyyətinə 2014-cü ildə Unibank KB ASC-də Korporativ kredit mütəxəssisi olaraq başlamış, 2016-2018-ci illərdə “Caspian Development Bank (CDB)”, “AtaBank” ASC, “PAŞA Bank” ASC-də Korporativ kredit sahəsində müxtəlif vəzifələrdə fəaliyyət göstərmişdir.

2018-ci ildən Veyseloğlu Şirkətlər Qrupunda Maliyyə riskləri üzrə aparıcı mütəxəssis olaraq işə başlamışdır. 2019-cu ilin fevral ayından Araz Supermarket şəbəkəsinə transfer olunaraq aparıcı maliyyə analitiki, 2020-ci ilin iyun ayından Biznesə Nəzarət şöbəsinin müdiri vəzifəsini icra etmişdir.

Beynəlxalq maliyyə kvalifikasiyası CIMA-nın Certificate (CIMA CERT BA) və Operational (CIMA DIP MA) mərhələlərinə yiyələnmişdir.

2023-cü ilin fevral ayından etibarən fəaliyyətini Maliyyə Departamentinin rəhbəri kimi davam etdirir.