Elşən Məmmədov

Elşən Məmmədov 2005-2009-cu illərdə Azərbaycan  Dövlət Neft və Sənaye Universitetində  Biznesin Təşkili və İdarəetmə ixtisası üzrə bakalavr, 2010-2012-ci illərdə Azərbaycan Dövlət İqtisad Universitetində Menecment ixtisası üzrə magistr təhsili almışdır. 2012-ci ildə “Aztexnika” LTD şirkətində iş təcrübəsinə nəqliyyat rəisi kimi başlamışdır, daha sonra 2015-ci ildən “Bakı Taksi Servisi” MMC-də müştəri xidmətləri meneceri olaraq çalışmışdır. Əmək fəaliyyətinə  “R&M Elektrik Qrup”da layihə meneceri  vəzifəsində davam etdirmişdir. 2020-2022-ci illərdə  Veysəloğlu Şirkətlər Qrupuna daxil olan “AVT Logistika” MMC-də Soyuq zəncir logistika əməliyyatları şöbə müdiri olaraq fəaliyyət göstərmişdir.

Həmçinin Elşən Məmmədov “Bakı 2015 Avropa Oyunları”, “Bakı 2016 Şahmat Olimpiadası”,”İslam Həmrəylik Oyunları”, “Bakı Formula 1 Təşkilatı” “FIFA Dünya Kuboku” (Doha,Qətər), “Motus One” (Səudiyyə Ərəbistanı Qran Prisi 2023) kimi bir çox beynəlxalq layihələrdə nəqliyyat meneceri və layihə meneceri vəzifələrində fəaliyyət göstərmişdir. 2023-cü ildən “Araz" Supermarketlər şəbəkəsində Marketinq departamentinin Müştəri əlaqələrinin idarə edilməsi şöbəsinin müdiri kimi fəaliyyət göstərən Elşən Məmmədov 2024-cü ildən etibarən “Araz” supermarketlər şəbəkəsinin İdarə Heyətinin protokol rəhbəri təyin edilmişdir.

Qeyd edək ki, Elşən Məmmədov Layihələrin İdarəedilməsi İnstitunun (Project Management İnstitute) təsis etdiyi PMP(Project Management Professional) və PMİ-ACP(Agile Certified Practitioner) kimi beynəlxalq sertifikatlar sahibdir.