19.02.2023

“Plastik butulkanı eko çantaya dəyiş” aksiyası keçirilib. (19.02.2023)

Ekologiya və Təbii Sərvətlər Nazirliyi və "Araz" Supermarketlər şəbəkəsinin birgə təşkilatçılığı ilə fevralın 19-da "Araz" 20 Yanvar Superstore-da “Plastik butulkanı eko çantaya dəyiş” aksiyası keçirilib.

Aksiya zamanı ümumi tutumu 1110 litr olan plastik butulka yığılıb, əvəzində iştirakçılara eko çantalar verilib. Eyni zamanda, aksiyada iştirak edən uşaqlara müxtəlif yaş kateqoriyalarını əhatə edən ətraf mühitin mühafizəsinə həsr olunmuş kitablar hədiyyə edilib.

Qeyd edək ki, yığılan plastik tullantılar “AzEkol” MMC tərəfindən təkrar emala yönləndirilib.

Hər birinizi mütəmadi keçirilən “Plastik butulkanı eko çantaya dəyiş” aksiyalarında fəal iştirak etməyə, tullantıların çeşidlənməsinə, təkrar emala yönləndirilməsinə dəstək olmağa, eyni zamanda polietilen paketlərdən istifadəni azaltmağa, ekoloji cəhətdən təmiz çantalardan istifadə etməyə çağırırıq.

Bölüşmək
Partnyor ol