İnvestor münasibətləri

Bu gün dünya rəqəmsallaşır, texnoloji irəliləyiş hər sahədə özünü göstərir.

Son dövrləri analiz edərkən tərəddüd etmədən qeyd etmək olar ki, “Araz Supermarket” yenilikləri və innovasiyaları ilə diqqət mərkəzindədir. Ölkənin pərakəndə bazarında ilk dəfə olaraq “Araz” yerli müştəriyə tamamilə yeni olan, dünyanın iri market şəbəkələrində istifadə edilən özünəxidmət kassa aparatlarını öz mağazalarında quraşdırdı, yalnız dünyanın iri şəbəkələrində görə biləcəyimiz rəflərdə elektron etiketlər də məhz “Araz” marketlərdə quraşdılırmağa başlandı. Daha bir maraqlı yenilik isə QR kodların tətbiqi idi. Bu siyahıya gözümüzün alışdığı müştərilərə məxsus əşyaların mühafizəsi üçün nəzərdə tutulmuş ənənəvi  dolabların elektron dolablarla əvəzlənməsini də əlavə etmək yerinə düşərdi.

“Araz” supermarketlər şəbəkəsinin korporativ sosial məsuliyyət istiqamətində atdığı addımları da yaddan çıxarmaq olmaz. BMT-nin “Qlobal Məqsədlər” kimi tanınan 17 Dayanıqlı İnkişaf Məqsədlərinə daxil olan ətraf mühitin mühafizəsi istiqamətində “Araz” şəbəkəsi pərakəndə sektorunda yenə də ilk addım atanlardan oldu. Ətraf mühitin mühafizəsinə həssaslıq nümayiş etdirən şirkət, ötən ilin (2019) yay aylarında istehlakçıya parçadan hazırlanmış, uzunmüddətli istifadə üçün nəzərdə tutulmuş ECO çantalar təqdim etdi. Bunun ardınca kartof və qarğıdalıdan hazırlanmış, ətraf mühit üçün tamamilə zərərsiz təbiətdə həll olunan BİO paketlər istifadəyə verildi. Bütün bunlarla yanaşı “Araz” şəbəkəsinin yardım və xeyriyyə aksiyalarında fəallığını da vurğulamaq yerinə düşərdi.

“Araz” supermarketlər şəbəkəsi “The Consumer Goods Forum”-un üzvüdür.

Beynəlxalq maliyyə təşkilatlarından biri olan Avropa Yenidənqurma və İnkişaf Bankı (AYİB) ilə 2019 – ci ildən etibarən əməkdaşlıq edir.

 

Partnyor ol