Növbəti “Tullantıları tinglərə dəyiş” aksiyası Əhmədli qəsəbəsində keçirilib!

Ekologiya və Təbii Sərvətlər Nazirliyinin təşkilatçılığı ilə Əhmədli qəsəbəsi, Neapol dairəsi yaxınlığında yerləşən “Araz” Supermarketin qarşısında keçirilən aksiya zamanı vətəndaşlar tərəfindən ümumi tutumu 805 litr olan plastik, 332 litr olan şüşə tullantı və 37 ədəd işlənmiş batareya təhvil verilib.

Vətəndaşları ağac əkməyə təşviq etmək məqsədilə aksiya iştirakçılarına tullantılar qarşılığında Nazirliyin tinglik sahələrində yetişdirilən 150 ədəd ağac tingi paylanılıb, eyni zamanda uşaqlara ətraf mühitin mühafizəsi ilə bağlı maarifləndirici kitablar hədiyyə olunub.

Hər kəsi aksiyalarda fəal iştirak etməyə, təbiətə fayda verəcək belə aksiyalardan yararlanmağa çağırırıq.