01.06.2024

"Dünyanı yaşıla boya" rəsm müsabiqəsinin qalibləri mükafatlandırıldı

"Araz” supermarketlər şəbəkəsinin “Yaşıl dünya naminə həmrəylik ili” çərçivəsində keçirdiyi “Dünyanı yaşıla boya” adlı rəsm müsabiqəsinin qaliblərinin mükafatlandırma mərasimi keçirilib. 1 İyun Uşaqların Beynəlxalq Müdafiəsi Gününə həsr edilən tədbirdə 5-8, 9-12, 13-15 yaş qrupları üzrə 1, 2 və 3-cü yerlər, həmçinin həvəsləndirici mükafata layiq görülən iştirakçılara hədiyyə və sertifikatlar təqdim edilib.

Mükafatlandırma mərasimində dövlət və hökumət nümayəndələri, millət vəkilləri, rəssamlar və "Araz" supermarketlər şəbəkəsinin rəhbərliyi iştirak edib.

Qeyd edək ki, müsabiqəyə Bakı ilə yanaşı respublikanın müxtəlif bölgələrindən ümumilikdə 400-dən çox rəsm nümunəsi təqdim edilib. Peşəkar rəssamlardan ibarət münsiflər heyətinin seçdiyi, qalib və həvəsləndirici yerə layiq görülən 50 rəsm əsəri mükafatlandırma mərasimində sərgilənib. Seçilmiş rəsm nümunələrində müsabiqə iştirakçıları “Təbiəti birlikdə qoruyaq” mövzusunu öz baxış bucağından, şəxsi təxəyyülünə uyğun şəkildə ifadə ediblər.

Bölüşmək
Update cookies preferences
Partnyor ol