Beynəlxalq Yer Günündə ağacəkmə aksiyasına qoşulduq

“Araz” supermarketlər şəbəkəsi ekologiya və təbiətin mühafizəsi məqsədilə “Təbiəti qorumaq mənim əlimdədir” şüarı ilə keçirilən layihələrini davam etdirir.

Bu dəfə 22 Aprel – Beynəlxalq Yer Günü ilə əlaqədar olaraq Ekologiya və Təbii Sərvətlər Nazirliyinin və “Araz” supermarketlər şəbəkəsinin təşkilatçılığı ilə ağacəkmə aksiyası keçirilib.

Aksiyada Nazirliyin və “Araz” supermarketlər şəbəkəsinin əməkdaşları, ekokönüllülər iştirak ediblər.

Aksiya çərçivəsində Müşfiqabad qəsəbəsində xüsusi ayrılmış ərazidə Abşeron yarımadasının torpaq-iqlim şəraitinə uyğun Eldar şamı və zeytun ağacları əkilib.
Qeyd edək ki, ərazi damcılı suvarma sistemi ilə təchiz olunub və yaşıllıqların suvarılmasında qəsəbədə formalaşan tullantı sularının təmizlənməsindən əldə edilən texniki sulardan istifadə olunur.

Aksiyasının məqsədi ictimaiyyətin diqqətini təbiətin mühafizəsi, yaşıllıqların bərpası və artırılmasına yönəltmək, vətəndaşları ağac əkməyə təşviq etməklə təbiətə töhfə verməkdir.