“Arazın sevgi payı” layihəsi

Dəyərli izləyicilərimiz, bildiyiniz kimi 2 aprel tarixi Autizm Məlumatlandırma Günüdür. Biz də “Araz” ailəsi olaraq bu günə özəl “Arazın sevgi payı” layihəsinə başladıq. 

“Bakı Golden Horse” Terapevtik və Tədris Mərkəzi ilə birlikdə həyata keçirdiyimiz bu layihə 2 ay müddətində, yəni aprel və may aylarında davam edəcək. Layihə boyunca 50 autizm sindromlu uşaq ödənişsiz şəkildə hippoterapiyaya qoşulacaq. Hippoterapiya, yəni atlarla terapiya uşaqların əhvalına və sağlamlığına yaxşı təsir göstərən müalicə üsulu olduğundan bu layihə ilə onların xoşbəxtlik və sağlamlıqlarına dəstək olmaq niyyətindəyik. Ümid edirik ki, bu layihə onlar üçün faydalı olacaqdır.