"Araz” supermarketlər şəbəkəsində ting paylama aksiyası

"Araz” supermarketlər şəbəkəsində “Bir ağac-min nəfəs” devizi altında ting paylama aksiyası keçirilib. Ekologiya və Təbii Sərvətlər Nazirliyi və "Araz" supermarketlər şəbəkəsinin birgə təşkilatçılığı ilə Mehdiabadda yerləşən “Araz” supermarketin qarşısında müştərilərə ödənişsiz meyvə və həmişəyaşıl ağac tingləri hədiyyə edilib. Ətraf mühitin mühafizəsi məqsədilə keçirilən tədbirdə könüllülər tərəfindən vətəndaşlara ağacların əkilməsi və qulluq göstərilməsi qaydalarına dair məlumatlar da verilib.