“Tullantıdan Yarat” müsabiqəsi başladı

“Araz” supermarketlər şəbəkəsi “Tullantıdan Yarat” adlı yeni müsabiqəyə start verib.

“Yaşıl dünya naminə həmrəylik ili” çərçivəsində, həmçinin BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası - “COP29”un ölkəmizdə keçirilməsini nəzərə alaraq təşkil olunan müsabiqənin məqsədi ekoloji məsələlərə diqqət çəkmək, tullantıların təkrar emalını təşviq etməkdir.

Müsabiqə şərtləri aşağıdakı kimidir:
•⁠  ⁠Təqdim olunan əsərlər “Təbiəti birlikdə qoruyaq” mövzusuna uyğun olmalıdır.
•⁠  ⁠Plastiklər, şüşələr, metal qablar, kağız tullantılar, kartonlar və digər təkrar emal olunan materiallardan istifadə edilə bilər.
•⁠  ⁠Müsabiqədə 18 yaşdan yuxarı hər kəs iştirak edə bilər. 
•⁠  ⁠Əl işləri üzərində müəllifin adı, soyadı, yaşı və əlaqə nömrəsi qeyd edilməlidir.
•⁠  ⁠⁠Əl işləri 15 sentyabr 2024-cü il tarixinədək “Araz”ın baş ofisinə təqdim olunmalıdır. Ünvan: Bakı şəhəri, 8 Noyabr pr. 15, Azure Business City, AZ 1025

Münsiflər heyəti tərəfindən seçilən əl işləri Ümumdünya Təmizlik Günü ərəfəsində qaliblərin iştirakı ilə sərgilənəcək. Müsabiqənin qaliblərinə diplom və mükafat, həvəsləndirici yer tutan iştirakçılara sertifikat və hədiyyələr təqdim olunacaq.