Ağdamda ağacəkmə aksiyası

Ordumuzun qazandığı tarixi qələbə xalqımızın və dövlətimizin siyasi-iqtisadi həyatında yeni mərhələnin başlanğıcı oldu. Qarabağın yenidənqurması, çiçəklənməsi bu gün cəmiyyətimizin qarşısında duran prioritetlərdən biridir. Bu prosesə əlimizdən gəldiyi qədər dəstək olmaq hər birimizin vətəndaşlıq borcudur. "Araz" supermarketlər şəbəkəsi olaraq korporativ sosial məsuliyyətimizi dərk edir və bu sahədə yeni təşəbbüslər etməyə çalışırıq. Bu dəfə əməkdaşlarımız Ağdama yola düşərək ağacəkmə aksiyasında iştirak ediblər. Layihə çərçivəsində Ağdam Sənaye Parkının ərazisində sərv və zeytun ağacları əkiblər. Yeni ağac tinglərinə qulluq edən aksiya iştirakçıları yerə xatirə lövhəsi basdırıblar. Daha sonra Şəhidlər xiyabanı, Ağdam Cümə məscidi və Şahbulaq qalasını ziyarət ediblər. Faydalı keçən səfər maraqlı anlarla yadda qalıb.