06.09.2019

ARAZ Supermarketlər şəbəkəsi tender elan edir

Taksi xidmətləri

 Araz Supermarketlər Şəbəkəsi taksi xidmətləri üzrə təchizatçı şirkətin axtarışı ilə bağlı Tender elan edir.

Təkliflərin təqdim edilməsi üçün son tarix – 20 sentyabr 2019-cu il.

Tenderdə iştirak etmək üçün aşağıda göstərilən sənədlər Təchizatçılar tərəfindən mütləq qaydada təqdim edilməlidir:

1. qiymət təklifi

2. ən azı 3 mövcud müştərilərin arayışları və əlaqə məlumatları

3. şirkətin rəsmi sənədləri (Hüquqi şəxsin nizamnaməsinin surəti, Hüquqi şəxsin kommersiya qurumlarının dövlət reyestrindən çıxarışının surəti, Hüquqi şəxsin VÖEN-nin surəti, Taksi xidmətinin həyata keçirilməsinə dair icazənin surəti)

 

Təchizatçı seçilərkən əsas amil ümumi təklif, xidmətin keyfiyyəti və sifarişçinin pulun səmərəli xərclənməsi olacaqdır. Seçilən təchizatçı şirkət Araz Supermarket şirkətinin bir il ərzində üstünlük verdiyi taksi şirkəti olacaqdır.

Təklif aşağıdakılardan ibarət olmalıdır:

a) Standart qiymət təklifi

  • hər kilometr/zona üçün
  • hava limanına gediş/gəliş
  • gözləmə vaxtı

b)  mövcud olan avtomobil qarajı haqqında məlumat (model, istehsal tarixi, oturacaq kəmərləri, təhlükəsiz yastıqları və s.) 

c) 24 saat aktiv telefon həttinin mövcudluğu

 

Təklifləri bağlı zərfdə (möhürlü) Araz Supermarketlər Şəbəkəsinin “Tender komissiyası”na təqdim etməyiniz xahiş olunur:

Araz Supermarketlər Şəbəkəsi

Ünvan:  AZ 1025, Bakı ş., Xocalı pr. 55,

AGA Biznes Mərkəzi, 2-ci mərtəbə

 Təkliflərinizi lazımi məlumatlar və müvafiq sənədlərlə birlikdə təqdim etməyiniz xahiş olunur. Bütün təkliflər yuxarıda qeyd olunan məlumata əsasən təqdim olunmalıdır, telefon və ya e-mail vasitəsilə heç bir halda açıqlama verilmir.

Bölüşmək
Partnyor ol