"Qəlbdən-qəlbə sevgi ilə" (05.04.2022)

“Araz” supermarketlər şəbəkəsinin təşəbbüsü və təşkilatçılığı ilə Azərbaycan Dövlət Kukla Teatırında qəhrəmanları autizmli uşaqlar olan “Qəlbdən-qəlbə sevgi ilə” adlı layihə həyata keçirildi.
Layihə cəmiyyəti məlumatlandırmaq, autizm sindromlu uşaqların sosial həyata inteqrasiyasına dəstək olmaq məqsədilə baş tutdu. Sərgi, tamaşa və konsert proqramından ibarət layihədə autizmli uşaqlar bir-birindən fərqli istedadlarını sərgilədi. Heykəltaraşlıq nümünələri, əl işləri və rəsm əsərlərinin nümayişi ilə yanaşı “Qırmızıpapaq və dostları” adlı tamaşa da izləyicilərə təqdim edildi. Qeyd edək ki, autizmli uşaqların layihəyə cəlb olunmasında Dövlət Tibbi-Sosial Ekspertiza və Reabilitasiya Agentliyi dəstək oldu, onlarla eyni səhnəni bölüşənlər isə Kukla Teatrının nəzdində yerləşən “Oyuq” teatr studiyasının aktyorları idi. Tədbirdə millət vəkilləri, ictimai xadimlər, cəmiyyətimizin sevilən simaları da qonaq qismində iştirak etdi.
Sonda uşaqların ifasında səslənən konsert proqramı emosianal anlarla yadda qaldı. 

#Arazsupermarket #Qəlbdənqəlbəsevgiylə