"Tullantıları tingə dəyiş” aksiyası Sahil qəsəbəsində keçirilib

6 noyabr tarixində Ekologiya və Təbii Sərvətlər Nazirliyi tərəfindən yenidən start verilən “Tullantıları tingə dəyiş” aksiyası Qaradağ rayonunun Sahil qəsəbəsində yerləşən filialımızın qarşısında keçirilib.

Aksiya zamanı ümumi tutumu 2035 litr olan plastik, 268 litr şüşə və 143 ədəd işlənmiş batareya vətəndaşlar tərəfindən təhvil verilib və əvəzində onlara ağac tingləri paylanılıb. Eyni zamanda, uşaqlara ətraf mühitin mühafizəsi ilə bağlı maarifləndirici kitablar hədiyyə olunub.

Hər kəsi bu cür aksiyalarda fəal iştirak etməyə, təbiətə töhfə verərək tullantıların sayının minimuma endirilməsinə və yaşıllıqların artırılmasına dəstək olmağa çağırırıq.