Yasamal filialımızda “Tullantıları eko çantaya dəyiş” aksiyası davam edir

Ekologiya və Təbii Sərvətlər Nazirliyi və “Araz” supermarketlər şəbəkəsinin birgə təşkilatçılığı ilə növbəti “Tullantıları eko çantaya dəyiş” aksiyası Yasamal rayonunda yerləşən “Araz” supermarketin qarşısında keçirilib.

Aksiya zamanı vətəndaşlar ümumi tutumu 470 litr olan plastik butulka, 70 litr tutumu olan şüşə butulka və 198 ədəd işlənmiş batareya təhvil verərək əvəzində ekoçanta əldə ediblər. Aksiyada iştirak edən azyaşlılara isə kitablar hədiyyə olunub.

Əhali arasında tullantıların çeşidlənməsinin önəmini vurğulamaq, təkrar emala dəstək olmaq məqsədilə keçirilən belə aksiyalarda fəal iştirak edən bütün vətəndaşlara təşəkkür edir, polietilen torbalar əvəzinə eko çantalardan istifadəyə etməyə çağırırıq.