"Araz" supermarketlər şəbəkəsi Ümummilli lider Heydər Əliyevin 100-cü ildönümünə 100 ağac ianə etdi

Ümummilli lider Heydər Əliyevin anadan olmasının 100-cü ildönümü münasibəti ilə Veysəloğlu Şirkətlər Qrupuna daxil olan "Araz" supermarketlər şəbəkəsi Qarabağ Dirçəliş Fonduna 100 ağac ianə edib.

Fonda ianə edilən ağaclar işğaldan azad olunan ərazilərin dirçəlişi, Qarabağda təbiətin yaşıllaşdırılması üçün istifadə ediləcəkdir. Ağaclar payız aylarında Qarabağ Dirçəliş Fondunun təşkilatçılığı və "Araz" supermarketlər şəbəkəsi əməkdaşlarının iştirakı ilə əkiləcəkdir. Qarabağın yaşıllaşdırılmasına, 30 il ərzində məhv olan təbiətimizin bərpasına dəstək olmaq hər birimizin mənəvi borcudur. Bu prosesin iştirakçısına çevrilmək, qürur vericidir.