"Araz" həssas qrupdan olan uşaqları sevindirdi

“Araz” Supermarketlər Şəbəkəsi xüsusi həssas qrupdan olan uşaqları sevindirib!

Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyinin təşkilatçılığı, “Araz” supermarketlər şəbəkəsinin dəstəyi ilə Zəfər Günü münasibətilə şəhid və müharibə veteranlarının övladları, həmçinin həssas qrupdan olan uşaqlar üçün əyləncəli tədbir keçirilib.

Tədbir çərçivəsində onlar üçün kinoteatrda animasiya filmi nümayiş etdirilib. Maraqlı vaxt keçirən uşaqlara sonda “Araz” supermarketlər şəbəkəsi tərəfindən hədiyyələr təqdim edilib.