Zəncəfilli kök şorbası/ Bibər dolması

Ramazanın son günlərindəyik.  İftara hazırlaya biləcəyiniz iki ləziz yeməyi təqdim edirik: Zəncəfilli kök şorbası və bibər dolması. Nuş olsun!

Zəncəfilli kök şorbası
Tərkibi:
• 3 yemək qaşığı zeytun yağı;
• 2 ədəd soğan;
• 5 ədəd kök;
• 1 ədəd kartof;
• 1 çay qaşığı rəndələnmiş zəncəfil;
• 3 diş sarımsaq;
• 6 stəkan su;
• 1 kiçik qaşıq duz;
• 1 kiçik qaşıq istiot;
• 1 kiçik qaşıq sarıkök;

Xüsusi məsləhət: istəsəniz, kartof və kökü qaynadaraq qarışıma əlavə edə bilər və beləcə istifadə edilən yağ miqdarını azalda bilərsiniz
Hazırlanması: 
1. Soğanı, kartofu və kökü eyni ölçülərdə doğrayın;
2. Zeytun yağını dərin bir qazanda qızdırın, soğanları qovurun. 
3. Kartof və kökü soğanla birlikdə qovurmağa davam edin;
4. Sarımsaq və zəncəfili eyni qabda döyəcləyərək əzin;
5. Soğan, kartof və kökə zəncəfili əlavə edin. Duz və istiotu da əlavə edib qarışdırın; 
6. Sarıkökü əlavə edin və qarışdırın. Ardınca suyu əlavə edib qaynamağa qoyun;
7. Kök və kartof yaxşıca yumşalanda əl blenderindən keçirin;
8. 5-6 dəqiqə qaynamağa qoyun. 

Bibər dolması

Tərkibi: 

- ½ stəkan zeytun yağı;
- 2 ədəd quru soğan;
- 2 yemək qaşığı dolmalıq fıstıq;
- 1,5 su stəkanı düyü;
- 10 ədəd orta ölçüdə dolmalıq bibər;
- 2 stəkan isti su;
- 10 ədəd kiçik ölçüdə pomidor;
- 1 yemək qaşığı qurudulmuş quşüzümü;
- 1 çay qaşığı duz;
- 1 çay qaşığı nanə;
- ½ çay qaşığı şəkər tozu;
- ½ çay qaşığı qarabibər.

Hazırlanması: 
1. Yarım stəkan zeytun yağını böyük bir plov qazanına əlavə edin və 2 ədəd soğanı qovurun;
2. 2 yemək qaşığı dolmalıq fıstığı da əlavə edib rəng alana qədər qovurmağa davam edin;
3. Dolmalıq fıstıqlar rəng aldıqdan sonra 1,5 stəkan düyünü əlavə edin və 2-3 dəqiqə qovurun;
4. 1 yemək qaşığı quşüzümü, 1 çay qaşığı duz, yarım çay qaşığı istiot, yarım çay qaşığı şəkər tozu və 1 çay qaşığı nanəni də əlavə etdikdən sonra son dəfə qarışdırın;
5. 2 stəkan isti suyu əlavə edib, düyülər diri qalacaq şəkildə 7-8 dəqiqə bişirin və altını söndürün;
6. Hazırladığınız dolma içliyini üst qapağını və içini çıxardığınız 10 ədəd dolmalıq bibərin içərisinə doldurun. Ağız qisimlərində şişmə və bişmə yeri buraxmağa diqqət edin; 
7. Hazırladığınız dolmaları qazana dik şəkildə düzün;
8. Bibərin üst qisimlərini ikiyə bölünmüş çeri pomidor ilə qapadın;
9. Qazanın yarısına qədər su doldurun və üzərinə zeytun yağı gəzdirib qapağını qapadın;
10. Dolmaları aşağı odda suyu bitib düyülər şişənə qədər təminən 30-35 dəqiqə bişirin. İlıq ya da soyuq olaraq servis edin.