Toyuq supu/ Qırmızı kələm salatı

Bu gün Ramazanın 24-cü günüdür. İftara nə hazırlayacağınızı hələ
bilmirsinizsə sizə faydalı və ləziz 2 yemək reseptini təqdim edirik. Nuş 
olsun!

Toyuq supu

Tərkibi
• 3 yemək qaşığı zeytun yağı;
• 1 ədəd quru soğan;
• 6 stəkan toyuq suyu;
• ½ stəkan düyü;
• 2 yemək qaşığı qatıq;
• 1 çay qaşığı un;
• 1 ədəd yumurta sarısı;
• ½ ədəd limonun suyu və qabığı;
• 1 ədəd toyuq filesi (didiklənmiş); 
• 2 çay qaşığı duz;
• 1 çay qaşığı istiot;
• ½ tutam keşniş.
Hazırlanması
• Kub şəklində doğranılmış quru soğanı zeytun yağında qovurun;
• Toyuq suyunu və düyünü əlavə edib qaynadın;
• Qatıq, un, yumurta sarısı və limon suyunu bir qabda yaxşıca qarışdırın;
• Bir çömçə şorbanı hazırladığınız qarışıma əlavə edib qarışdırın. Ardınca, yavaş-yavaş qarışdıraraq şorbaya əlavə edin.
• Didiklənmiş toyuq filesini şorbaya əlavə edin və qarışdırın. Ardınca, duz, istiot,  limon qabığı və doğranılmış keşnişi də şorbaya əlavə edin. Bir az qaynatdıqdan sonra isti-isti servis edin. 

Qırmızı kələm salatı

Tərkibi:
• 150-160 q qırmızı kələm (1/4);
• 1 çay qaşığı duz;
• 1 ədəd kök;
• 1 diş sarımsaq;
• 1 yemək qaşığı alma sirkəsi;
• 1 yemək qaşığı mayonez;
• 1 yemək qaşığı zeytun yağı;
• 3 yemək qaşığı qatıq.

Hazırlanması: 
1. Qırmızı kələmi incə doğrayın. Üzərinə duz əlavə edib, yoğurun və 5 dəqiqə gözlədin;
2. Kökü və sarımsağı üzərinə rəndələyin. Sirkə, mayonez və zeytun yağını da əlavə edin;
3. Qatığı da qarışıma əlavə edib qarışdırın;
4. Vaxt itirmədən servis edin. İstəsəniz üzərinə zeytun yağı və keşniş əlavə edə bilərsiniz. 

Nuş olsun!