Tərəvəz şorbası / Tuna balığı ilə kinoa salatı

Ramazanda iftarını sağlam et.

Bu gün Ramazanın 8-ci günüdür. Sizə iftara hazırlaya biləcəyiniz həzmi asanlaşdıran tərəvəz şorbası və faydalı inqrediyentlərlə zəngin kinoa salatı reseptlərini təqdim edirik.

Tərəvəz şorbası

Tərkibi:
• 4 yemək qaşığı günəbaxan yağı;
• 1 ədəd quru soğan;
• 2 ədəd kök;
• 1 ədəd dolmalıq bibər;
• 1 ədəd kərəviz sapı;
• 1 ədəd kabak;
• 2 tutam yaşıl soğan;
• 1 kiçik qaşıq duz;
• 1 çay qaşığı istiot
• 6 stəkan su;
• ½ stəkan qatıq;
• 2 yemək qaşığı un;
• 1 ədəd yumurta sarısı;
• 3-4 damla limon.

Xüsusi məsləhət: Bütün tərəvəzlər eyni anda bişsin deyə bərabər ölçüdə doğramağınız məsləhət görülür.
Hazırlanması:
1. 4 yemək qaşığı günəbaxan yağını qazanda isitdikdən sonra kub şəklində doğradığınız 1 ədəd quru soğanı əlavə edin və yumşalana qədər qovurun;
2. Üzərinə 1 dəqiqə aralıqla 2 ədəd kub şəklində doğranmış kök, 1 ədəd dolmalık qırmızı bibər, 1 ədəd kərəviz sapı, 1 ədəd kabak və 2 tutam doğranmış təzə soğanı əlavə edib qovurmağa davam edin;
3. Ardınca, 1 kiçik qaşıq duz, 1 kiçik qaşıq istiot və 6 stəkan suyu qazana əlavə edib qarışdırın. Qapağını bağlayıb qaynamağa qoyun;
4. Şorba qaynayarkən, yarım stəkan qatıq əlavə etdiyiniz bir kasada 2 yemək qaşığı un, 1 kiçik qaşıq duz, 1 ədəd yumurta sarısı və 3-4 damcı limonu yaxşıca qarışdırın;
5. Üzərinə qaynamaqda olan şorbanın suyundan 1 çömçə alıb yavaş-yavaş əlavə edin və istiliklərini bərabərləşdirin;
6. Qaynamış şorbanın altını söndürün və hazırladığınız qarışımı qazana yavaş-yavaş əlavə edin;
7. 10 dəqiqə az xodda bişirdikdən sonra isti-isti sevis edin.

Tuna balığı ilə kinoa salatı
Tərkibi:
• 1 stəkan kinoa;
• 1.5 stəkan su;
• 200 q konservləşdirilmiş tuna balığı;
• 2 ədəd xiyar;
• 10 ədəd çeri pomidor;
• 4 tutam yaşıl soğan;
• Şüyüd, keşniş;
• 3 yemək qaşığı zeytun yağı;
• 1 yemək qaşığı üzüm sirkəsi;
• 1 kiçik qaşıq duz.
Xüsusi məsləhət: Kinoanı, bişirmədən əvvəl 1-2 saat ərzində bol suda gözlədin və acı suyunu süzdükdən sonra qaynadın.
Hazırlanması:
1. Qaynatdığınız kinoanı bir-birinə yapışmaması üçün taxta qaşıqla havalandıraraq qarışdırın və ilıq olması üçün gözlədin;
2. Qabığını soyduğunuz xiyarları iri kublar şəklində doğrayın. Çeri pomidorları ortadan ikiyə bölün. Təzə soğanları, halqa-halqa doğrayın. Keşniş və şüyüd incə doğrayın;
3. Sousu hazırlamaq üçün; zeytun yağı, üzüm sirkəsi və duzu bir qabda qarışdırın;
4. Qaynatdığınız kinoanı və bütün salat inqrediyentlərini dərin bir qarışdırma qabına boşaldın. Sousu ilə qarışdırdıqdan sonra gözləmədən servis edin.